Clár dhá bhliain atá san Ardteistiméireacht Bhunaithe a bhfuil sé mar aidhm léi oideachas leathan cothrom a chur ar fáil d’fhoghlaimeoirí agus speisialtóireacht áirithe a thairiscint ag an am céanna ar mhaithe le roghnú gairme.
Déantar gach ábhar a mheasúnú le páipéar scrúdaithe agus le modhanna measúnuithe breise lena n-áirítear scrúduithe béil agus scrúduithe cluaise, scrúduithe praiticiúla agus measúnú ar obair chúrsa phraiticiúil. Déantar scoláirí a roghnú do phoist agus do chúrsaí breisoideachais agus ardoideachais bunaithe ar a dtorthaí sa scrúdú seo. Gheofar gach eolas faoi na scrúduithe stáit ó Choimisiún na Scrúduithe Stáit.